بااااااااااااااااااااااكـ …

يا هلا والله وغلا بالجميع .. كلن بسمه …

اول شي .. صراحه انبسطت كثيررررررررر من التفاعل في الحلقه الاولى .. مع اني ماحسيت انها كامله من جميع النواحي .. بس صراحه .. امس كان يوم غير .. غير .. غير … لما تشوف اللي تحبهم ملتفين حولك .. الله لا يحرمني منكم يارب

خلونا الحين نبدا في الحلقه الثانيه ماله داعي نصيح ……

هيا بنا …

اليوم الثاني … بعد ما قمت وكذا … صلحت ذاك الكوفي اللي يحبه قلبك … وبعدها دقيت على امي .. عشان اعلمها وين انا فيه … دقيت عليها .. وقلت تراني برى المملكه .. قالت اييييييييه .. اهم شي احرص على نفسك … >>> معودها على كذا ..

بعد ما تحممت ولبست وكذا … قلت بروح للكوفي اللي احبه … بروق هناك شوي .. واشوف خطتنا لهذا اليوم …

رحت لكوفي PRET هذا الكوفي اللي في الزاويه جنب فندق الكمبيرلاند … احب اجلس فوق في الزاويه … وقبل ما اروح له … قلت بمر على فندق الكمبيرلاند .. بشوفه بس .. وادخل الفندق .. كأني داااااااخل فندق في دبي … كولوه خليجين ما شاء الله … قلت الحمد لله اني ما حجزت فيه

جلست في الكوفي … وطلعت خريطتي …

هذه خريطه مره حلوه .. فيها الاماكن السياحيه … عشان تعرف الميترو اللي يوصلك لها … طبعا انا محطتي هي البادنقتون .. شوفها معي ع الخريطه

بعد ما روقت وكذا .. قلت اليوم بختار مكانين … راح ازورها ان شاء الله .. اول مكان هو ..

SCIENCE MUSEUM

وهذه خريطته لو احد يبي يروح له …

وهذا موقعهم على الانترنت .. هــــنا …

هذا متحف .. فيه طيارات قديييييمه .. ويشرحون لك كيف كانت تشتغل .. وكيف مكاينها والامور اللي كذا … وجوا هالمتحف .. فيه سينما … انا ما رحت الا عشان هالسينما … السينما هي ..

IMAX 3D Cinema

وهذا موقعهم على الانترنت .. هنـــــا …

هالسينما وش قصتها …!! السينما هذه تعرض بعض الافلام الوثائقيه .. لكن بطريقه الثري دي … وتشوف الاجسام قدامك كبيرررررره .. كأنها تبي تصدمك …

اول شي .. وقفت عند اللي يقصون التكت … واخذت لي تذكره .. وحجزت لي فلم …

الجنوز شكلها على ريالين في لندن

بعدها يجيك عامل من عمالهم .. ويمسك يدك .. ويوديك لمدخل السينما … اول ما توصل الباب .. يعطونك نظاره خاصه .. مثل هالخال اللي لابسه

بعدين تجلس .. وتستمتع …

جلست وشفت فلم وثائقي عن اعماااااق البحار … يعني كأنك تعيش تحت المااااااااء … وتشوف القرش يشطفك وانت ما تدري …. صراحه السينما حلوه .. لكن احلى للي معه اطفال .. لأنهم راح يستمتعون فيها أكثر ..

بعد الفلم .. طلعت اتمشى في المتحف اللي تحت ..

واخذت لي جوله …

وبرضو .. يعرضون .. سيارات قدييييييمه مره … ايام هتلر والعيال ذليك>>> نصبه تمشي مليون

شوفو معي السيارات …

وهذه اللي كأنها كبسوله …

وهنا صافين السيارات فوق بعض … يعنني حركه …

قايل لكم ان الجنوز عندهم على ريالين

وهذا طرف قطار … او نقول بقااااااايا قطار …

وهذه صوره من اعلى المتحف … اخذتها قبل ما امشي …

بعد كذا … قلت يالله يا أبو … >>> يكلم نفسه

قلت بروح لمكان اتغدا فيه .. طيب وش تبي تتغدا !! … قلت بتغدا شوكولاته … حبيبه ألبي .. الشوكولاته … طيب وين ارووووووح .. طبعا اروح لهااااااارودز … ( قلوب من هنا لجبهة محمد اللي قدامي ) …

اخذت الاندرقراوند .. ورحت لهارودز …

وهذه خريطه موقعه

اللي ما يعرف وشو الهارودز .. هذا مثل المبنى الكبيرررررر … الظاهر 6 ادوار .. صاحبه هو ولد الفايد .. المصري الاصل .. البريطاني الجنسيه … المبنى هذا فيه كلش … يعني دور فيه ملابس نسائيه .. ودور فيه شوكولاته .. ودور فيه ادوات رياضيه … يعني مشكل … بس روعه صراحه …

وهذا موقعهم على الانترنت .. اللي يبي يقرا كثير عن هالصرررح الشامخ …

هونـــــــــــــ

المهم وصلت ودخلت .. اول ما تتدخل طبعا تشوف هالمجسم ..

يعنني هالمصري تراني ما نسيت مصر .. ايه صدقتك انت وصلعتك …

بعد ما اخذت لفه .. رحت للقسم الرياضي … اعجبني جهاز .. مررررررررره فله … شوفوه معي

هذا الجهاز وشو !! … هذا يصلح للي عندهم بحر ….. ( ليش ما عندنا بحر ) … المهم هذا الجهاز .. تنسدح فوقه … ويطيرررررررر بك … احسه مرررره وانسه صراحه … لو فيه مكان في شقتي كان شريته …

بعد كذا قلت بروح للقسم المفضل .. وهو قسم الشوكولاته …

ويااااااااااااليل خبرني .. عن امر الكاكاو .. ياليل خبرني

واتربع قدام هالقزازه … واجلس اختاااااااااااار .. واختااااااااااار … والبنت اللي تخدمك بس تعبي في هالكراتين .. وانا اقول هاتي ثنتين من هنا .. وثلاث من هنا .. واربع من هنا … ومافيه الا شغل …

وتجي وتقول لي .. تبي اغلفها لك !! … قلت ايه اجل بحطها في مخباتي ….. ما جيت بثوبي

المهم وهي تغلفها … طالعتني بنظره … قلت وش قصتها هذه .. يوم طالعتني مره ثاني .. قلت يووووووووه وش تبي ذي … بعدين ابتسمت … قلت ايوووووووه بدينا الحركات … قالت لي .. انت مسلم .. قلت لا انا بندر … قلت ايه مسلم … قالت طيب ثلاث ارباع الشوكولاته اللي عبيتها لك .. فيها كحول … قلت وشو .. وشو .. وش ناويه عليه الله يصلحتس … !! …قالت ما قلت لي من اول … قلت طيب وش اسوي الحين … قالت طيب اوكي .. برجع اختار لك بدون كحول … قلت يالله … وهي تختار وانا دميعتي تبي تنزل … لأن اللي فيها كحول مرررره شكلها يجنن … قلت ياليتها ساكته بس >>> خربها

المهم اخذت كم كرتون .. وبعضها غلفتها عشان نهديها هدايا للي نحوبهم ..

بعدها طلعت .. ورحت الفندق اريح شوي …

/
\
/
\
/

اليوم يا حلوين ننتهي من حلقه اليوم … ما حبيت من ثاني يوم اروح اماكن بعيده … قلت اخليها في الايام الجايه …

قبل ما تمشي يا حلو .. خذ لك هالكريمه .. بالمره هلوه …

/
\
/
\
/

واشوفكم في الحلقه الثالثه ان شاء الله …

دمتم بكامل عافيتكمــ … وروعتكمــ … وجمالكمــ …

المايسترو ،،،،

لكــــ

::
::
::
::

مسااااااااااااء الورد …

مسااااااااااء الحبــ …

مسااااااااااااءك … أنت … وانتي …

مساااااااااااء ما يليق بأحبابي … من لهم هناااااااااك .. في آخر فؤادي .. مكانهـ …

نكمل اليوم معاكم حلقات رحلتي الى لندن …

نبدأ …. الكوفي معاك !! … هيا بنا …

اليوم اول ما صحيت الصباح … بعد الصلاه والترويشه … والكوفي طبعا … قررت اني اروح مشوارين …

المشوار الأول … اني اروح احجز قطار باريس … لأني بعد كم يوم راح اسافر باريس … والمشوار الثاني .. انه ودي اروح للبيكادلي .. بروح اتمشى هناك …

نجي اول شي للسفر من لندن الى باريس عن طريق القطار … ما راح اتكلم كثير في هذه النقطه … لأني بفصفصها كثير في أول حلقه عن باريس الساحره … لكن بس بتكلم عن كيفيه حجز القطار من لندن …

للسفر من لندن إلى باريس … ممكن 3 طرق … يا أنك تروح بالطياره … او تروح بقطار اليوروستار .. أو على رجليك …

الطريقه الأولى .. عادي تروح تحجز أي خطوط طيران … الطريقه الثانيه بشرحها بعد شوي .. الطريقه الثالثه .. هذا وجهي اذا وصلت …

……. Eurostar …….

هذه شركه قطارات دوليه … لهذا اكثر من وجهه واكثر من محطه … من المحطات اللي تربطها … هو الربط بين بريطانيا وبين فرنسا … او بالاصح … بين لندن وباريس …

جلست شوي في لوبي الفندق .. قلت بشيك على اني احجز عن طريق الانترنت … فتحت لابتوبي .. واجلس ادور شبكات وايرلس … شوفو وش لقيت

كل هذه شبكااااااااااات .. يا عيني بس … تحيه وسلام .. لشركه الانفصالات السعوديه … ولا تهون موبايلي >> لا هنت … خشمك ..…

دخلت موقع الشركه اللي هو … هنــــا ….

ابد اول ما دخلت الموقع … لقيته سهل جدا .. فيه انك تقدر تحدد وجهتك وتحجز وتدفع عن طريق البطاقه .. وصلى الله وبارك … شوف معي ياحلو …

ابد .. هنا تدخل كل المعلومات .. وهو بيطلع لك كل اللي تبي …

انا قلت بروح لهم بنفسي … يعني بروح احجز من المكتب … منها اول شي اعرف المحطه لأن المكتب في نفس المحطه اللي تنطلق منها القطارات … ومنها اشوف الامور عن كثب .. ( قويه كثب .. هذا وانا لسى صاحي ) …

طيب … كيف نوصل للمحطه اللي فيها اليوروستار !! …

شوف حبيبي … عشان تحجز او عشان تسافر من لندن الى باريس … لازم تروح لمحطه اسمها london waterloo station … هذه المحطه اللي تطلع منها القطارات .. وفيها المكتب اللي ممكن تقص منه …

طيب وين موقعها على الخريطه … بوص معايا ياباشا …

شفت هاللي يأشر … هذه هي المحطه … ممكن أي اندرقراوند يوصلك هناك …

المهم رحت هناك .. وقصيت تذكره الذهاب الى باريس .. قلت بقصها قبل الرحله بكم يوم … أأمن لي >> موسوس …

وهذه صوره التذكره

قصيت ذهاب فقط … بسعر 154 باوند … يعني تقريبا 1150 ريال سعودي …

/
\
/
\

بعد ما قصيت التذكره … وأطمأن قلبي .. قلت بروح المشوار الثاني .. للبيكادلي .. بروح أتمشى فيها …

قلت قبل ما اروح للبيكادلي … بشتري كتاب موصى عليه … و باكل لي شي بسيط …

الكتاب هذا قصه مره حلوه … عن واحد مضيعن امه … وجلس طووووول عمره يدورها … واخر شي الظاهر انه لقاها … لأني ما وصلت اخر الكتاب …بس حلو الكتاب .. انصح فيه ..

بعد ما قريت لي شوي .. وروقنا على هالشوكولاته … قلت يالله نروح لساحه البيكادلي …

البيكادلي هذه ساحه كبيره .. او منطقه .. كلها خرشه … يعني ديسكوات .. سينمار .. اسواق .. مطاعم .. ناس رايحه .. وناس جايه .. وناس موش عارفه هيا بتعمل ايه …

خلونا ناخذ جوله بالصور في ساحه البيكادلي … اوكي !!!

وهذه صوره أخرى …

( محل قاب … يا حوبي للي يحب محل قاب )

وهذه بعض المطاعم في الساحه

وهذه برضو

اشتقت لك يا لندن .. اشتقت لكل شي فيك … اشتقت احط الايبود .. واروح امشي في شوارعك .. لا تفكير .. ولا هموم .. ولا شي

عالم هاااااااااااديه .. عالم مرووووووقه .. عالم تفتح النفس بإبتسامتها …

وهذا شارع في وسع المعمعه

بشويش يالمهم على الجوال

واللي يحب يلعب البلياردو .. او الألعاب الإلكترونيه .. فيه أماكن مخصصه للشي هذا .. وكلها خرشه …

وهذا رجال اعتقد انه حول … السيارات يجون من اليمين .. وهو ملتفت يسار >> لا تدقق

وفيه السينما … كانو منزلين كم فلم حلو …

وهذا الحي الصيني .. انوااااااع المشاكل .. لا تدخله لحالك ..

واللي يعرف لندن .. فيه كل سنه حمله باي باي لندن .. يعني حمله تسويقيه تنشيطيه عن لندن … يجمعون لهم كم بنت وولد .. ويوزعون بالونات …>> اول واحد اخذ هو

وفي الساحه برضو .. فيه الرسامين … تجلس قدامهم طال عمرك .. وهم يرسمونك …

فيه الرسم الملون .. وفيه الاسود والابيض .. وفيه انواع كثيره .. وفيه الرسم الفكاهي .. برضو حلو مرررره …

ولقطت احد الرسامين يرسم هذه …

هدووووووووووووء …

بعد ما تمشيت وسعت صدري في ساحه البيكادلي … مسكت معي على شي ابي اكله .. مسكت مسكت … تعرف وشلون لما تمسك مع واحد على شي … .. خلاص ابي هالشي والا ما راح اكمل ههههههههههههههه وش اكمل بعد انا …

وش مسكت عليه تتوقع !! … مسكت على رمان … والله جد لا تضحك .. مسكت على رمان .. حتى وهي ماسكه معي .. جالس اقول لنفسي .. الله يستر يالمايسترو على هالمسكه .. لا يكون بس جالس تـتـ………… >>> برى …

رحت ادور لي رمان .. لييييين حصلت لي …

رمان احمر .. وبارد .. وطعمه عسل مثلك … شوفوه معي …

تبي …!! … يالله خذ لك شوي .. لا تستحي .. خذ كلنا اخوان

طبعا الرمان جاهز .. يعني جاهز للاكل .. يعني مقشرينه .. مو مقشرينه لالالا .. يعني مطلعين الحبوب اللي فيه ومغلفينها ومجهزينها .. ايه يكون خير اذا فهمت علي … يعنـــــــــي ( عصب وهو يشرح ) … يعني مو انا فتحت الرمانه وقصيتها بالسكين وطلعت اللي فيها .. لالالالالا .. اللي فيها طالع وجاهز … قل اني فهمت … الله يسلمك …

/
\
/
\

اليوم نكون وصلنا لنهايه حلقة اليوم …

ان شاء الله تكون استمعت فيها .. وغيرت جو معنا …

/
\
/
\

ترقبو معنا في الحلقه الجايه …

وش قصه هالبنت معي !!

ليش ماسكه تفاحه بيدها ..!!..

طيب ليش تطالع في المكان اللي تحت روجلي !! ..

كل هذا .. وغيره الكثير … راح تعرفه في الحلقه الجايه

/
\
/
\

دمت بكامل عافيتكـــ

دمت بكل حب .. وود …

المايسترو ،،،،

::
::
::

الجزء الرابع والخامس .. هونـ ،،،